Македонскиот фудбал денеска остана без една од своите најголеми ѕвезди. На 70-годишна возраст, по кратко боледување, почина Васил Рингов, поранешен македонски и југословенски репрезентативец и еден од најистакнатите фудбалери во историјата на Македонија.
Роден во Струмица во 1955 година, Рингов ја започна својата кариера во Беласица, а потоа настапуваше за Партизан, Тетекс и Вардар, каде остави најдлабок траг. Во дресот на Вардар одигра повеќе од 200 лигашки натпревари и постигна 93 гола, станувајќи еден од симболите на клубот во осумдесеттите години.
Покрај домашните тимови, кратко настапуваше и за Динамо Загреб, како и за германскиот Ајнтрахт Брауншвајг, носејќи го својот талент и надвор од границите на Македонија.
Неговата смрт остави голема празнина во македонскиот спорт, а фановите и соиграчите го паметат како вистинска легенда на теренот.
Фото: Принтскрин – Youtube/Слободен Печат ТВ
