Фото: Duga Mantev Dimitar
По повеќе од еден месец, откако не добил информација од полицијата за истрагата, Дуга Мантев Димитар објави статус во која бара информации за запалено возило, при што нуди парична награда.
Неговата објава од социјалните мрежи може да се погледне во продолжение.
„Бидејќи добивам многу пораки со прашања дали има нешто ново за мојата запалена кола, сакам јавно да одговорам на сите.
За жал, повеќе од еден (1) месец никој ме нема контактирано и немам никаква информација до каде е истрагата и што воопшто се случува.
Се надевам и верувам дека надлежните органи ќе ја откријат оваа кукавичка криминална банда и ќе го вратат мирот и сигурноста на граѓаните на Радовиш. Вистината сигурно ќе излезе на виделина.
Сметам дека казните за вакви дела мора значително да се зголемат и да се изедначат со тероризам, бидејќи граѓаните не се само финансиски оштетени, туку и сериозно психички трауматизирани.
Да повторам јавно и јасно: доколку било кој располага со веродостојна информација за извршителот или нарачателот, нека ме контактира. Следува награда од 2–3 илјади евра.
Кој може – нека сподели“, пишува во објавата.
