Растат трошоците за живот: На едно семејство да преживее му требаат 65.492 денари

Жителите на Македонија имаат сè поскап живот, а тоа го покажува синдикалната кошница која ја пресметува Сојузот на синдикати на Македонија (ССМ).

Синдикалната кошница за декември изнесува 65.492 денари, односно е зголемена за 319 денари во однос на минатиот месец.

Доколку во него се вклучи и изнајмен стан од 60 метри квадратни, тогаш синдикалната кошница ќе достигне неверојатни 80.867 денари.

Најголем дел од парите одат за храна и пијалаци, односно 23.640 денари, според синдикалната кошница.