Детали од планот за Украина: Ако Русија повторно нападне, САД ќе возврати со „Томахавк“

Речиси четири години поминаа од почетокот на војната меѓу Украина и Русија, а во моментов САД, Европа и останатите преговараат за мир. Деталите од потенцијалниот договор биле претставени на преговорите во Берлин. САД планира Сенатот да го ратифицира договорот, со што би стапил на сила и Американците би биле главни во посредување во споровите, пишува британски „Телеграф“.

Во почетната фаза ќе се воспостави мисија под водство на САД задолжена за надзор за прекин на огнот и посредување во споротвите, а доколку дипломатските напори не успеат и дојде до нова инвазија, тогаш Вашингтон ќе мора да употреби сила.

Според планот, американски борбени авиони Ф-35, проектили „Томахавк“ или слични системи стационирани на НАТО ќе се користат за противнапад во случај Москва да го прекрши примирјето. Теоретски, американските сили би можеле да ѝ помогнат на Украина да изведе прекугранични удари против руската воена опрема, но минимални се шансите за ескалација до тој степен.“.