(ВИДЕО) Пет мажи во џамија планирале напад на луѓе со автомобил на божиќен базар

Германската полиција приведе пет лица осомничени дека планирале напад со возило на божиќен базар во Германија. Властите наведуваат дека планот бил во рана фаза, но заканата е запрена навреме.

Осомничените се приведени во петокот, само два дена откако пристигнале информации за нив во безбедносните служби.

Меѓу уапсените има Египќанец, тројца Мароканци и еден Сириец, кои веќе биле изведени пред судија и им бил изречен притвор.

Главен осомничен е Египќанецот, опишан како исламски проповедник, кој наводно при собир во џамија повикал на напад, пишува „Еуроњуз“.

Божиќните базари во Германија во изминатите години често беа мета на напади.