Зеленски бара уште пари за оружје – еве колку милиони долари му требаат до крај на годината

Украинскиот претседател Володимир Зеленски кажа дека им се потребни уште 800 милиони долари за да купат американско оружје до крајот на годината со помош на европските сојузници.

Зеленски кажа дека на Украина за следната година ќе ѝ требаат околу 15 милијарди долари за програмата „ПУРЛ“, кој вклучува купување на американско оружје со европски пари.

По разговорите во Лондон со челници од Франција, Германија и Велика Британија, Зеленски кажа дека Украина во вторник ќе ѝ го претстави ревидираниот мировен план на САД.

Зеленски откри дека ревидираниот план содржи 20 точки, но уште нема договор за откажување од територија, на што инсистира Москва.