Фото: Принтскрин
Управата за јавни приходи (УЈП) соопшти дека продолжува исплаќањето на средствата од „МојДДВ“, откако дел од корисниците се пожалија дека не ги добиле парите.
„Во процесот на исплата кај дел од спецификациите се појави технички проблем кој бара целосна преработка на истите.
Имено, доколку постои дури и само еден налог каде се појавува корисник со промена на банка или трансакциска сметка, целата пратка системски се враќа и средствата не се исплаќаат кон сите корисници кои се во ист налог како и корисникот кој извршил промена.
Овој предизвик е веќе идентификуван и надлежните служби работат на негово надминување. Целта е да се обезбеди точна и правична исплата за сите граѓани, без исклучок“, соопшти УЈП.
