(ВИДЕО) Русија и САД во „бункер за милијардери“ правеле таен план зад грбот на Европа!?

Тројца моќни бизнисмени, двајца Американци и еден Русин, минатиот месец биле во Мајами Бич за наводно да создадат план за крај на долгата војна меѓу Русија и Украина.

Меѓутоа, нивниот разговор бил и подготовка на терен за извлекување на руското богатство вредно две милијарди евра од изолација, при што американските компании први би застанале во редот и би ги преминале европските конкуренти во „собирање на плодовите“, пишува „Волстрит Журнал“.

Милијардерот Стив Виткоф, кој станал специјален гласник на претседателот Трамп, го пречекал Кирил Димитриев, член на рускиот државен инвестициски фонд и преговарал кој лично го избрал Владимир Путин, додава медиумот. Токму Димитриев го создал документот кој го прегледувале заедно со другиот милијардер. На состанокот им се приклучил и Џеред Кушер, кој стигнал од својот дом на островот познат како „бункер за милијардери“.

Се споменувала и заедничка мисија на Марс со помош на „Спејс Икс“ на Илон Маск. Димитриев промовирал план според кој американските компании би искористиле околу 300 милијарди долари имот од руската банка, замрзнати во Европа, за заеднички американско-руски инвестициски проекти и обнова на Украина под водство на САД, односно американски и руски компании би можеле да се здружат во експлоатација на огромното минерално богатство на Арктикот.

Целиот текст може да се прочита на „Волстрит Журнал“.