Фото: Принтскрин
Поранешниот шеф на кабинетот на украинскиот претседател Володимир Зеленски, Андриј Јермак во петокот поднесе оставка, а потоа соопшти дека оди на фронтот.
Јермак во писмо до американскиот медиум „Њујорк пост“ посочи дека ќе оди на бојното поле, а засега не се откриваат повеќе детали.
Блискиот соработник на Зеленски поднесе оставка откако неколку часа претходно во неговиот дом во Киев беше изведена рација од Националното антикорупциско биро на Украина.
„Одам на фронтот и подготвен сум на било каква одмазда. Јас сум искрен. Ѝ служев на Украина од 24 февруари 2022, кога почна руската инвазија. Ми се гади од нападите, а уште повеќе сум разочаран од недостатокот на поддршка на тие кои ја сакаат вистината. Можеби ќе се видиме“, напиша Јермак.
