Пејачката Рада Манојловиќ, која низ целата своја кариера често говорела со почит за покојниот директор на „Гранд“, Саша Поповиќ, сега откри и една помалку позната приказна поврзана со него.
Во неодамнешно гостување, Рада се присети на момент од самите почетоци, кога таа и нејзините колешки биле млади, неискусни и, како што вели, многу наивни. Не знаеле дека некои предлози и снимања може да се одбијат — сè додека Поповиќ не им го објаснил тоа.
Манојловиќ откри дека за едно големо новогодишно фотографирање им биле подготвени костими и концепт што, според неа, бил на работ на непристојност. На девојки од 19–20 години им било кажано дека ќе бидат „Дедо Мразици“, а всушност требало да позираат речиси целосно разголени.
„Не сум раскажала како Поповиќ не заштити од премногу провокативно фотографирање. Требаше да бидеме со капички и практично голи. Бевме деца,“ раскажува Рада.
Кога Поповиќ дознал што им било предложено, веднаш реагирал и се јавил во редакцијата која го организирала снимањето:
„Овие фотографии? Никако! Донесете им фустани што одговараат на нивните години!“ – им порачал тогаш.
Рада додава дека ѝ е жал кога слуша приказни дека „терал некој да се соблекува“, бидејќи нејзиното искуство било токму спротивно — дека тогаш ги заштитил и им покажал дека не мора да прифатат сè што ќе им биде понудено.
Текстот го пренесува Telegraf.rs.
