„Повеќе од осум месеци живееме во агонија, мора да има правда за нашите деца“, вели мајка на жртва во „Пулс“

Јулија Златкова, мајката на Томас Златков кој загина во дискотеката „Пулс“, кажа дека повеќе од осум месеци живеат во агонија по пожарот во Кочани.

„Живееме во агонија. Ние бараме само правда за нашите деца. Мора да има правда за нашите убиени деца ако сакаме да имаме држава“, кажа Јулија.

На кобниот 16 март годинава загинаа 63 лица и над 200 беа повредени, откако голем пожар изби во дискотеката „Пулс“.