Скопје – Денес, Општина Кисела Вода спроведе акција за отстранување на дивоградба во населбата 11 Октомври. Се работи за поранешен деловен објект во сопственост на ГП „Пелагонија 5 – Градилиште механизација“ кој е во стечај, а за кој не постои потребната техничка документација. Објектот никогаш не бил евидентиран во катастарските регистри.
Градоначалничката Стаменкоска Трајкоска истакна дека општината ќе постапува исклучиво според законот.
– Секој објект каде ќе се утврдат неправилности ќе добие решение за отстранување. Нема да дозволиме двојни стандарди и секогаш ќе ги почитуваме законите – рече градоначалничката.
Акцијата е дел од континуираните напори на Општината да го врати редот и да заштити јавниот интерес, со посебен фокус на елиминирање на нерегуларните објекти на територијата на општината.
