Тетовската противпожарна единица доби две нови возила како дел од донацијата што австриската покраина Тирол ја упати кон Македонија. Откако Куманово ја доби авто скалата, а ДПД „Ентузијаст“ Охрид и ДПД „Ентузијаст“ Дебрца добија комбиња, последните две возила од оваа серија беа распределени во Тетово.
Се работи за навално противпожарно возило и комбе наменето за технички интервенции, и двете од марката Mercedes – истите какви што беа испорачани и на останатите единици низ земјата.
Во изминатите неколку години, ТППЕ Тетово забележа значителен напредок во опремувањето преку донации и различни проекти. Новите возила се надоврзуваат на претходните набавки на авто скала, пикап возила и цистерни, со што тетовската единица важи за една од најдобро опремените во државата.
