Фото: Принтскрин
Се појавија информации дека Северна Кореја размислува за воведување на смртна казна за оние кои ќе обидат самоубиство, но ќе преживеат. Ова предизвика бурни реакции на социјалните мрежи, од неверување и гнев до црн хумор, иако темата е сериозна.
Радио „Слободна Азија“, повикувајќи се на анонимни извори, известува дека во некои провинции се одржуваат затворени состаноци поради зголемениот број самоубиства, вклучувајќи случаи на очај и трагедии кои го зафатиле цели семејства. Јужнокорејската разузнавачка служба проценува дека бројот на самоубиства пораснал за околу 40% во однос на претходната година.
Експертите за Корејскиот полуостров истакнуваат дека проблемот се влошува и поради недостиг на точни и проверливи податоци. Светската здравствена организација во 2019 година процени дека Северна Кореја имала 8,2 самоубиства на 100.000 жители, што не е меѓу највисоките стапки во светот, но овие податоци не можат независно да се потврдат.
И покрај тоа, на интернет се појавија непотврдени информации дека на оние кои ќе обидат самоубиство, но ќе преживеат, би им била изречена смртна казна. Ова создаде силен шок и критики, бидејќи звучи како парадоксална и крајно сурова мерка, дури и за стандардите на Северна Кореја.
Во земјата каде контролата над секојдневниот живот е ригорозна, а казнената политика често шокира светот, ваков потег би се сметал за екстремно „кажнување на очајот“ и би го надминал секој рационален пристап кон правдата.
