Фото: Борче Митевски
Градоначалникот на Општина Петровец, Борче Митевски објави дека почнуваат со реализација на мерката за еднократна финансиска помош за пензионерите кои имаат пензија под 23.000 денари.
„Општина Петровец започнува со реализација на мерката за еднократна финансиска помош во износ од 2.500 денари за пензионерите со месечна пензија не повисока од 23.000 денари.
Оваа мерка беше планирана и најавена претходно, но нејзината реализација мораше привремено да биде одложена поради изборниот процес и законските ограничувања кои важеа во тој период.
Во наредните 3 дена средствата ќе бидат исплатени и ќе легнат директно на трансакциските сметки на сите пензионери кои ги исполнуваат условите“, соопшти градоначалникот Митевски.
