Фото: Принтскрин
Новиот градоначалник на Град Скопје, Орце Ѓорѓиевски кажа дека 500 лица не доаѓале на работа, а земале плата поради што решил да ги отстрани од јавните претпријатија.
Исто така, новиот градоначалник посочи дека долгот бил над 300 милиони евра на јавните претпријатија.
„500 лица до денес, се отстранети од работа од претпријатијата во градот Скопје.
Тоа се лица кои се платени од парите на скопјани, но не оделе на работа со месеци, дури и години. Тука, нема да има толеранција, а ќе има и одговорност“, објави Ѓорѓиевски.
По овие изјави на Ѓорѓиевски реагираше поранешната градоначалничка Данела Арсовска, која побара од првиот човек на главниот град да ги објави сите со име и презиме.
„Ајде градоначалник да ги објавиш сите фирми со долг по институција, со фактури и датуми од кога им се должи за да знае народ дека лажеш. Исто и со име и презиме сите 400 вработени и кој од кога не одел на работа, и таму да се види дека лажеш. 3 години за корка леб сите кои одеа на работа ти ги избрка да направиш место за своите партиски војници“, посочи Арсовска.
