Фото: Принтскрин
Заменик-директорот на „Национални шуми“, Кире Михаилов на социјалните мрежи откри дека го израдувал дедо Симе, откако му набавил неколку кубика дрва за да има топол дом за време на зимата.
„Дедо Симе има пензија, ама има и дрва.
Почитувани, некаде пред избори споделив едно видео со дедо Симе од Трновци, општина Могила, човек кој го запознав враќајќи се од терен како со својата рачна количка си го носи ѓубрето да го фрли во поле.
Му помогнав со ѓубрето, а додека тоа го правевме, се запознавме, си помуабетивме и низ солзи ми се истажи дека живее претежок живот на 82 годишна возраст без никакви примања.
Се пожали дека нема дрва, нема лекарства и лично инсистираше да го снимам да го каже тоа.
Сето тоа нормално ме трогна како што би го трогнало секако и секој нормален човек.
Видеото како и повеќето мои видеа помина одлично, човечно, со многу интеракција, ваши позитивни реакции во кои никако не се посомневавте дека ќе му помогнам.
Од причина што е веќе ладно, многу време за размислување немаше, и покрај тоа што беа избори, мораше да реагирам.
Јас веднаш лично од мојата плата му обезбедив неколку кубика дрва од подружницата во Демир Хисар, но, настанот не го објавив затоа што беше време на избори и не сакав некој да помисли дека тоа го правам заради изборите, а не можев ниту пак да чекам за да не смрзнат луѓето.
Пресреќен сум што во мојот живот имам уште еден пријател повеќе, а тоа е дедо Симе.
Господ да ми го чува и поживее, а секако живи, здрави, среќни и долговечни да сте ми и Вие!“, соопшти Кире.
