Фото: Хуманитарна организација "Свети Спас"
Хуманитарната организација „Свети Спас“ информира дека официјално е отворен пункт за делење на топол оброк во храмот „Свети Великомаченик Георгиј“ во Петровец.
„Со благослов на Неговото Блаженство Архиепископот Охридски и Македонски и на Јустинијана Прима г.г. Стефан, нашата
црковно-народна кујна го отвори својот деветти пункт за поделба на топол оброк,и тоа во храмот „Свети Великомаченик Георгиј“ во Петровец.
Со ова богоугодно дело, се проширува мрежата на љубов и милосрдие, преку која Црквата Христова ја покажува својата мајчинска грижа кон сите кои се во потреба, следејќи ја заповедта на нашиот Спасител:
„Бев гладен, и Ми дадовте да јадам…“
Особена благодарност упатуваме до компанијата „Адора Инженеринг“, која со својата дарежливост обезбеди конвектомат за кујната, овозможувајќи приготвување на поголем број топли и вкусни оброци за нашите браќа и сестри кои во моментов се 195 оброци дневно или над 5 000 оброци месечно.
Благодарност и кон сите донатори и поддржувачи, кои со љубов и пожртвуваност придонесуваат делото на хуманоста да расте.
Нашата мисија против гладот не застанува и очекуваме дека наскоро ќе бидеме во можност да ја зголемиме бројката на топли оброци, а да го намалиме бројот на гладните!
Бог да ве благослови и награди за вашето човекољубие“, се вели во објавата.
