Фото: Принтскрин
Масовни протести на заедницата Хареди денеска го парализираа Ерусалим, поради незадоволство од мобилизацијата во Израелските одбранбени сили. Според проценките на полицијата, на улиците излегле околу 200.000 луѓе.
Настанот заврши трагично. Петнаесетгодишно момче загина откако падна од недоградена зграда на која стоеле поголема група демонстранти. Медицинските екипи и полицијата веднаш пристигнаа на местото, но малолетникот подлегнал на повредите.
Иако организаторите преку разглас ги повикаа присутните мирно да се разотидат, дел од демонстрантите останале во близина на влезот во градот, каде што набрзо дошло до судири со полицијата.
Израелските медиуми јавуваат дека припадниците на безбедносните сили употребиле сила откако дел од толпата се обидела да влезе на градилиштето од кое паднал тинејџерот. На протестите имало и инциденти со новинарски екипи – демонстранти фрлале шишиња, стапови и камења кон репортерите и оштетиле снимателска опрема.
Протестите повторно ја отворија темата за задолжителната воена служба, прашање што со години предизвикува остри политички и општествени тензии во Израел.
NOW: Massive crowds at Ultra-Orthodox Jews (Haredim) protest against military conscription in Jerusalem. pic.twitter.com/y96s11z1y3
— Clash Report (@clashreport) October 30, 2025
WATCH: Ultra-Orthodox Jews (Haredim) protest military conscription and the arrest of draft dodgers in Jerusalem. pic.twitter.com/yjk5N3ZmoZ
— Clash Report (@clashreport) October 30, 2025
