(ВИДЕО) Јамајка се подготвува за најлошиот ураган во историјата: Премиерот на колена ги моли жителите за евакуација

Седум лица го загубија животот на Јамајка додека островот се подготвува за налетот на ураганот „Мелиса“ – најсилната бура што ја погодила оваа област годинава, а можно и најразорната досега забележана. Американските метеоролози предупредуваат на „катастрофални и по живот опасни услови“, со ветрови кои достигнуваат брзина до 282 километри на час.

Според прогнозите, ураганот, кој се класифицира во петтата и највисока категорија, продолжува да ја зголемува својата сила и се очекува да ја погоди Јамајка во текот на денот. Властите веќе издале повеќе предупредувања и апелираат на населението да се евакуира од најризичните подрачја.

Премиерот на Јамајка, Ендру Холнес, во вонредно обраќање ги повика граѓаните да ја сфатат ситуацијата со најголема сериозност, нагласувајќи дека инфраструктурата на островот не може да издржи удар од бура од ваков интензитет.

Let us pray fro Jamaica at it braces itself for a strong category 5 landfall of Hurricane Mellisa. pic.twitter.com/o5bvESBNtG

— 𝑱𝒖𝒍𝒊𝒖𝒔 𝑲𝒐𝒏𝒆𝒔 🇰🇪 (@Konesjk) October 27, 2025