Фото: Принтскрин
Американскиот претседател Доналд Трамп изјави дека рускиот лидер Владимир Путин треба да се насочи кон завршување на војната во Украина, наместо кон тестирање на нови ракети, пренесуваат американските медиуми.
Коментарот доаѓа по веста дека Русија спровела тест на нова крстосувачка ракета со нуклеарен погон. Трамп, зборувајќи за време на неговата азиска турнеја, потсети дека и САД располагаат со нуклеарни подморници кои се наоѓаат во близина на руската територија.
„Тие добро знаат дека имаме најмоќна нуклеарна подморница на светот, која е речиси до нивните брегови. Наместо да тестира ракети, Путин треба да го заврши конфликтот што требаше да трае само една недела, а сега влегува во четвртата година“, изјави Трамп.
