Фото: Принтскрин
Никола Ѓокиќ (24) од Босна и Херцеговина, во неделата околу еден час по полноќ, со автомобил марка „Ауди“ поминал на црвено светло и предизвикал тешка сообраќајна несреќа во која на лице место загинала тричлена фамилија што се наоѓала во возило „Хјундаи“ на Нов Белград, дознава „Телеграф.рс“.
Во неговата крв биле пронајдени околу 1,17 промили алкохол и траги од канабис. Во трагедијата животите ги загубиле сообраќајниот полицаец Бојан Живковиќ (43), неговата сопруга Дијана Каиќ (38) и нивниот деветгодишен син Михајло.
Совозачот од „Ауди“, Јован П. од БиХ, кој исто така имал приближно еден промил алкохол во крвта, е пренесен во Ургентниот центар со тешки и животозагрозувачки повреди, вклучувајќи и силно внатрешно крварење.
