Фото: Дарко Костовски
Македонскиот таеквондист Дејан Георгиевски освои сребрен медал на престижниот Г1 турнир во Романија, потврдувајќи ја својата врвна форма и континуитет на меѓународната сцена.
Георгиевски, кој во првото коло беше слободен, потоа забележа две убедливи победи и обезбеди место во финалето. Во решавачката борба за златото, македонскиот спортист се соочи со турскиот претставник Хусеин Демирчиоглу, кој успеа да извојува победа и да го освои најсјајното одличје.
Нашиот претставник настапи под водство на помошник-селекторката Викторија Спасовска, а со освоеното сребро додаде нови драгоцени бодови кон својата олимписка норма, што е од големо значење во пресрет на следните квалификациски турнири.
