Фото: Catedrala Națională
Денеска, на 26 октомври, во центарот на Букурешт, ќе се одржи свеченото осветување на новиот Соборен храм – најголемата православна црква во светот и едно од највеличествените верски градби на денешницата. Чинот ќе го предводат патријархот на Романската православна црква Даниел и вселенскиот патријарх Вартоломеј.
Овој значаен настан го означува завршетокот на проект што во Романија се доживува како симбол на духовен подем и национално единство. „Ова свето место е дом на верата за целиот наш народ – простор за молитва, благодарност и заедништво“, порача патријархот Даниел пред свеченоста.
Илјадници верници го исполнија просторот околу светиот храм, односно најголемата православна црква.
