Во тешка сообраќајна несреќа во Нов Белград ноќта меѓу сабота и недела загинаа три лица од едно семејство – мајка Д.К. (1987), татко Б.Ж. (1982), сообраќаен полицаец, и нивното дете Ж.М. (2016).
Трагедијата се случила на раскрсницата меѓу булеварот „Хероите од Кошара“ и улицата „Омладински бригади“.
Според полицијата, несреќата ја предизвикал 24-годишен државјанин на Босна и Херцеговина, кој со автомобил „Ауди“ поминал на црвено светло и со голема брзина удрил во возилото на семејството.
Тестирањето покажало дека имал 1,17 промили алкохол во крвта. Тој е приведен и ќе одговара за тешко дело против безбедноста на сообраќајот.
