Снимките од местото на несреќата, објавени од observatornews.ro, прикажуваат спасувачи како извлекуваат тело од авион кој завршил заглавен во дрвјата.
Бизнисменот Јоан Павел (65) од Сучава, Романија, загина кога неговиот ултралесен авион се урна. Авионoт полетал од аеродромот во Сучава во 8:40 часот, а по околу 200 километри лет, исчезнал од радарот и се урнал во шума во близина на градот Бачани, во округот Васлуј.
Системот eCall автоматски повикал помош во 10:20 часот, а спасувачките екипи пристигнале на местото на несреќата по околу половина час поради тешко пристапниот терен. Авионoт останал заглавен меѓу дрвјата, а пилотот бил пронајден мртов.
Еден од локалните жители изјавил дека прво слушнал звук на леталото, а потоа силен удар. „Леташе над шумата и потоа се слушна како нешто експлодира“, вели тој.
Бизнисменот Јоан Павел беше еден од најуспешните претприемачи во регионот на Сучава. Неговото богатство го стекнал како сопственик на компанија за производство на кафе, која подоцна ја продал на фирма од Катар. Исто така, имал клиника за медицински анализи, хотел во Сучава, винарија и виноград во Васлуј, каде што тој го започнал летот тој утрин.
Според првичните проценки на инспекторите, причината за несреќата била човечка грешка.
Павел е седмата жртва на падови на лесни авиони во Романија во последните четири месеци.
Фото: https://observatornews.ro
