„Спиев секој ден со 3 жени, над 3.000 поминаа низ мојот кревет“: Легендарен пејач ја отвори душата пред фановите

Пејачот Мик Хакнал, кој денес има 65 години, откри дека за време на врвот на славата со групата „Simply Red“ водел многу бурен живот и имал голем број љубовни врски, кои на крајот достигнале бројка од околу 3.000 партнери.

Хакнал, кој бил во врска со познати личности како актерката Кетрин Зита Џонс и манекенката Хелена Кристенсен, во 2010 година изјави дека во периодот од 1985 до 1987 година често имал по три љубовни средби на ден.

Сега, во разговор за своето минато, тој призна дека се чувствувал како „дете во слаткарница“ кое не можело да поверува колку среќа има, и додаде дека не знае како неговата сопруга останала покрај него низ сите тие години.

Мик ја запознал својата сопруга Габриела Васбери во деведесеттите, а се венчале пред 15 години. Со ќерката Роми, која има 18 години и најверојатно преку медиумите дознала за таткото, сè уште не зборувале за тоа. Хакнал истакнува дека денес целосно се посветил на семејството.