(ФОТО) Оџата од Бутел му се налути на градоначалникот Костовски зашто се сликал пред црква

Оџата Бедри Лика од џамијата во Бутел 2, кој претходно беше обвинет од градоначалникот Дарко Костовски, дека ги повикал Албанците да не гласаат за него сега реагираше повторно на социјалните мрежи.

Бедри Лика го критикуваше Костовски зашто на првиот ден од својот нов мандат се фотографирал пред црква наместо во канцеларија.

„Овој градоначалник кој тврди дека е еднаков за сите граѓани на Бутел, имајќи предвид дека во Бутел живеат граѓани од исламска и христијанска вероисповед, на првиот ден од својот мандат, наместо да се фотографира од канцелариите на општината, се фотографира пред црква – за да покаже дека ќе продолжи со дискриминација! АКО НЕ ГИ ОТВОРИТЕ ОЧИТЕ, ЌЕ ВИ ГИ ОТВОРААТ“, пишува во пораката на оџата.