Уште една европска земја забрани никаб – ќе има казни до 4.000 евра!

Португалскиот парламент го одобри предлог-законот со кој се воведува забрана за носење превез што го покрива лицето од „родови или религиозни причини“ на јавни места.

Оваа мерка што веќе предизвика жестоки реакции во јавноста и се толкува како насочена кон никабот и бурката што ги носат некои муслиманки.

Иницијативата ја поднесе десничарската партија Чега, која тврдеше дека забраната е неопходна од безбедносни и општествени причини, иако опозицијата вели дека тоа е дискриминација.

Според новиот закон, носeњето превези што целосно го покриваат лицето ќе биде забрането на повеќето јавни простори, како што се улиците, училиштата, административните згради и јавниот превоз. Исклучок ќе важи во авиони, дипломатски мисии и верски објекти, каде што ќе биде дозволено нивно користење.

За прекршување на правилото се предвидуваат казни од 200 до 4.000 евра, а надзорот ќе го вршат полициските служби.