Фото: Тони Зен
Тони Зен имаше голем концерт во Спортскиот центар „Борис Трајковски“ во Скопје, каде што се појави во облека изработена од жените затворенички кои работат во шивачката работилница во Затворот „Идризово“.
Тони Зени преку социјалните мрежи откри дека бил воодушевен од кимоното кое му било изработено од жените, а во продолжение може да ја прочитате неговата објава од социјалните мрежи.
„Со @irina.tosheva се запознавме во затворот Идризово, јас имав настап во машкото одделение, а она, во женското одделение има кројачка работилница, создадена со донации од добрата волја на граѓаните, каде што ги обучува жените кои отслужуваат казна затвор, да шијат, везат и кројат, на овој начин жените се ресоцијализираат и го поминуваат времето низ креативен процес, јас бев восхитен од тоа и им реков дека сакам од нив едно кимоно за концертот, епа ова е тоа ЗЕН кимоно дами и господа, сто посто направено во Македонија“, објави Тони Зен.
Фото: Тони Зен
