(Видео) Најнови детали од трагедијата: Откриена причината зошто автобусот излетал од патот

Министерот за внатрешни работи, Ивица Дачиќ, по повод сообраќајната несреќа во Сремска Митровица, соопшти дека возачот, на возраст од 69 години, неодамна добил неограничено продолжување на своето лекарско уверение.

Дачиќ истакна дека сите околности на несреќата ќе бидат детално испитани, но според информациите од сообраќајната полиција, несреќата настанала поради неприлагодена брзина на возачот.

– Во несреќата загинаа три лица, а од вкупно над 80 патници, 57 се повредени, додека уште седум до осум лица се во тешка состојба, но засега нивното здравје е стабилно. Станува збор за сериозна сообраќајна несреќа, а според првичните информации од полицијата, причина е неприлагодена брзина на возачот. Се разбира, сето тоа ќе биде предмет на понатамошна анализа – рече Дачиќ.