Починатиот пејач Халид Бешлиќ во животот имал само тројца луѓе со кои не разговарал, поради тоа што го излажале и му земале пари, иако на крајот им простил.
Смртта на музичката легенда го потресе целиот регион, а сите го ценеле неговото добро срце. На погребот дојдоа над 50.000 луѓе, за да му оддадат последна почит.
Ниту еден човек, без разлика дали бил познат или не, не зборувал лошо за Халид. Сепак, листата на малкумина со кои босанско-херцеговачкиот пејач не се дружел, е кратка.
За разлика од многу ѕвезди кои имале конфликти во кариерата, Халид беше познат по својата скромност, мирен дух и почит кон сите. Колегите сведочат дека никогаш не се карал и не зборувал лошо за никого. Секогаш бил подготвен да помогне, да се насмее и да најде човечност во секоја ситуација.
– Тој беше еден од ретките кој не знаеше што значи непријателство. Добар со сите, сакан гостин насекаде. Неговите песни многумина ги обединија и смирија – рекоа пријателите кои присуствувале на комеморацијата.
На комеморацијата присутните ги поздрави неговиот долгогодишен возач и близок пријател, Владо Пејиќ, откривајќи некои непознати детали од животот на пејачот и неговиот однос кон луѓето.
– Имаше само две-три личности кои го излажале околу работата. Не му направиле добро, го излажале за пари. Се налути и повеќе не сакал да комуницира со нив, но на крајот им простил. Рекол: „Како да ги немав никогаш“ – раскажа Владо.
Тој додаде дека Халид до последниот ден останал човек од народот – едноставен, достапен и секогаш свој.
– Ништо повеќе нема да биде исто. Околу неговата бензинска станица и мотелот е тишина. Кога беше таму, сè живееше. Луѓето доаѓаа од сите страни само за да го видат и испијат кафе со него. Нема личност која во овие денови не го прашала за него – рече Владо.
