Фото: Христијан Мицкоски
Лидерот на ВМРО-ДПМНЕ, Христијан Мицкоски, во вчерашното гостување во поткастот „Проверитас“ изрази силна увереност дека неговата партија ќе оствари историски резултат на претстојните локални избори.
Мицкоски посочи дека очекува убедлива победа на кандидатите за градоначалници од редовите на ВМРО-ДПМНЕ, нагласувајќи дека бројката на освоени општини би можела да се движи меѓу 45 и 50, вклучително и Град Скопје.
„Очекувам убедлива победа повторно на ВМРО-ДПМНЕ и коалицијата. Очекувам минимум помеѓу 45-50 градоначалника плус главниот град Скопје. Сега имавме точно 42“, вели Мицкоски.
