Фото: Принтскрин
Денес се навршуваат 18 години од трагичната смрт на Тоше Проески – најголемата македонска музичка ѕвезда, кој на овој ден во 2007 година го загуби животот во сообраќајна несреќа кај Нова Градишка, на пат кон Загреб.
Во негова чест, традиционално и оваа година, маратонците од Нова Градишка повторно трчаат до Крушево. Трката започна пред спомен-обележјето на Тоше во Нова Градишка, а завршува денес, на годишнината од неговото заминување, со пристигнување на вечното почивалиште на пејачот – споменикот на Гумење во Крушево.
Тоше Проески загина во моментот кога неговата кариера беше во подем и кога неговиот талент започна да добива меѓународно признание. Албумот на англиски јазик што го подготвуваше тогаш, „The Hardest Thing“, беше издаден постхумно и сведочи за неговата уметничка зрелост и глобални амбиции.
