Фото: Принтскрин
Американскиот претседател Доналд Трамп изјави дека е „длабоко разочаран“ од рускиот лидер Владимир Путин, само неколку дена пред во Вашингтон да пристигне украинскиот претседател Володимир Зеленски.
„Навистина сум разочаран, затоа што Владимир и јас имавме одличен однос. Можеби и сè уште го имаме. Не ми е јасно зошто продолжува со оваа војна,“ рече Трамп пред новинарите во Белата куќа.
Говорејќи на заедничка прес-конференција со аргентинскиот претседател Хавиер Милеи, Трамп истакна дека Путин „требало да ја заврши војната за една недела“, но, како што нагласи, рускиот лидер очигледно нема намера да стави крај на конфликтот со Украина, кој трае веќе повеќе од три и пол години.
Трамп ја опиша војната како „страшна трагедија“ и додаде дека, според американските процени, Русија претрпела огромни човечки загуби.
