„Ѕвездено небо во чест на Панчо“ ќе се одржи во Штип

Вечерва Штип ќе го осветли небото во знак на сеќавање на Владимир Блажев – Панчо. На градскиот плоштад ќе се одржи настанот „Ѕвездено небо“, преку кој неговите сограѓани и бројните обожаватели ќе му оддадат последна почит на човекот што, како што велат организаторите, „светеше меѓу нас“.

Панчо, еден од основачите и фронтмен на популарното дуо „ДНК“, беше тешко повреден во трагичниот пожар што се случи пред седум месеци, а за жал, по неколкумесечна борба, го загуби својот живот.