Доставен е предлог до МОН: Веронауката се враќа во училиштата!?

Комисијата за односи со верските заедници повторно го актуализира прашањето за воведување на задолжителна веронаука во државните училишта, овојпат со предлог предметот да се изучува од прво одделение па сè до завршување на средното образование, јавува телевизија „24“.

Предлогот веќе е доставен до Министерството за образование и наука и до Владата, а зад него застанале сите пет уставно признаени верски заедници во земјата, како и Асоцијацијата на вероучители.

Според директорката на Комисијата, Оливера Трајковска, верското образование би било интегрирано во постојните предмети Етика, Етика на религии и Културно и религиозно наследство. Таа нагласи дека негувањето на моралните вредности што ги пренесува верското образование може да придонесе за позитивен развој на општеството, а не да му наштети.