Фото: Принтскрин
Во вистинска филмска сцена што ја потресе јавноста, четворица маскирани и вооружени напаѓачи синоќа извршиле спектакуларен грабеж во златарница во центарот на Гостивар, при што однеле околу 18 килограми злато – вредно приближно 1,8 милиони евра.
Според информациите од Министерството за внатрешни работи, разбојниците, вооружени со автоматско оружје, упаднале во златарница во близина на малиот пазар околу 18:45 часот. Со закани по живот ја присилиле вработената лица да им го предаде целиот златен накит. Објектот е во сопственост на лице со иницијали С.Ж. од Гостивар.
Откако ја извршиле кражбата, четворицата побегнале со патничко возило „БМВ Х3“ без регистарски таблички. Само триесетина минути подоцна, околу 19:00 часот, полицијата пронашла опожарено возило со истиот опис на регионалниот пат Мавровска крстосница – село Маврово.
