Фото: Тимчо Муцунски
Министерот за надворешни работи и надворешна трговија, Тимчо Муцунски, остро реагираше на тврдењата дека Владата на Република Македонија наводно води преговори со Обединетото Кралство за прифаќање мигранти.
Во објава на својот официјален профил на Фејсбук, Муцунски ја оцени оваа информација како целосна дезинформација и истакна дека ниту Владата, ниту Министерството за надворешни работи имаат одржано било какви разговори или постигнале договор со британските власти за такво прашање.
„Во целост ја отфрлам дезинформацијата дека Владата или Министерството за надворешни работи и надворешна трговија разговарале или склучиле било каков договор со Обединетото Кралство за прифаќање мигранти. Такво нешто не постои – ниту како иницијатива, ниту како политичка намера“, објави Муцунски.
