Фото: Дарко Костовски
Општина Бутел за првпат воведува надоместок за новороденчиња во висина од 3.000 денари. Градоначалникот Дарко Костовски информираше дека оваа мерка е насочена кон поддршка на младите семејства и создавање подобри услови за живот во општината.
„Со задоволство најавувам дека за прв пат нашата општина ќе обезбеди надоместокот за новороденче во висина од 3.000 денари. Оваа поддршка е дел од нашата заложба за подобрување на условите за младите семејства во општина Бутел“, истакна Костовски.
Покрај финансиската поддршка, тој потсети дека веќе се изградени градинки во Бутел 1 и Бутел 2, а најави и нови инвестиции. Во наредниот период ќе започне изградбата на три нови градинки во Радишани, Визбегово и повторно во Бутел 1.
