Вучиќ ќе има само една молба за Русија – еве што планира да побара од Путин

Претседателот на Србија, Александар Вучиќ, изјави денеска дека ќе биде формирана работна група која ќе се занимава со последиците од американските санкции , а во неа, како што нагласи, и самиот ќе учествува.

„Мојата должност е да обезбедам нормален живот за граѓаните и нема да дозволам народот да страда без вина. Знам дека Русија не е виновна за санкциите, но моја обврска како претседател е да го заштитам српскиот народ. Имаме трпение и подготвени сме за разговори, но на штета на граѓаните – тоа нема да се дозволи“, истакна Вучиќ.

Тој додаде дека е клучно руската страна да биде замолена да разговара и со САД околу прашањето на санкциите.

„Србија ми е на прво место. Ќе покажуваме почит, партнерство и пријателство кон сите, но мојата најголема љубов и одговорност е кон сопствениот народ. Ќе имаме време и трпение да ги сослушаме сите, но ќе се раководиме исклучиво според интересите на Србија“, порача претседателот.