Фото: Принтскрин
Градоначалникот на Општина Петровец, Борче Митевски на претстојните избори ќе го брка рекордниот петти мандат на оваа позиција, а според анкетите би требало да победи уште во првиот круг со голема разлика.
По неговото гостување во „Лидер“, се појавија шпекулации на социјалните мрежи дека ќе се гради бегалски камп во Општина Петровец, но градоначалникот Митевски веднаш категорично го демантираше и кажа дека ниту постои, ниту постоел, ниту ќе постои план и идеја за такво нешто.
„ДЕМАНТ!
Почитувани мои сограѓани и жители на Општина Петровец,
По моето гостување во „Лидер“, се појави лажна и злонамерна информација дека наводно на територија на Општина Петровец ќе се гради бегалски камп, и тоа како наводен договор помеѓу мене и премиерот на Република Македонија, г. Христијан Мицкоски.
САКАМ КАТЕГОРИЧНО ДА ЈА ДЕМАНТИРАМ ОВАА МИЗЕРНА И ПОЛИТИЧКА МОТИВИРАНА ЛАГА!
НИТУ ПОСТОИ, НИТУ НЕКОГАШ ПОСТОЕЛ, НИТУ ЌЕ ПОСТОИ БИЛО КАКОВ ПЛАН ИЛИ ИДЕЈА ЗА ОТВАРАЊЕ БЕГАЛСКИ КАМП ВО ПЕТРОВЕЦ.
Имено како градоначалник секогаш сум застанал зад интересите на граѓаните и ќе продолжам да го правам тоа!
Никогаш не сум помислил да се направи нешто со што би се загрозило мирот и достоинството на нашите жители, бидејќи и јас како граѓанин, моето семејство и моите внучиња сакам да живеат и растат во еден модерен , безбеден и убав Петровец,
Овие лажни профили и политички спинови нема да успеат, бидејќи Вие најдобро знаете кој стои зад секој реализиран проект и како се развива нашата општина, а за 12 дена сите овие политичките лаги ќе завршат, а ние ќе продолжиме со работа, се со цел Петровец да биде уште подобро место за живеење“, објави градоначалникот Митевски.
