Фото: Принтскрин
Основниот кривичен суд во Скопје донесе пресуда со која тројца обвинети се прогласени за виновни поради создавање и одржување на дива депонија во реонот на Вардариште, спротивно на законските норми за заштита на животната средина.
Согласно утврденото во постапката, осудените лица без соодветни дозволи и легална документација вршеле откуп на старо железо и други отпадни материјали на импровизирани пунктови. Иако биле свесни дека немаат законска основа за ваква дејност, тие континуирано ја спроведувале, со што го прекршиле Законот за управување со отпад.
Таквото работење резултирало со создавање на диви депонии во Вардариште, предизвикувајќи сериозни ризици по здравјето на граѓаните, како и загадување на почвата и воздухот во тој дел од градот.
Секој од обвинетите доби затворска казна од по три години, при што судот нагласи дека станува збор за свесни и повторувани активности со сериозни последици по јавниот интерес и животната средина.
