Со камен му ја скрши главата: Кандидат за советник во Виница во кома по брутален напад

Вербалната расправија пред ресторан во Виница ескалираше во жесток физички напад, при што кандидатот за советник од коалицијата предводена од ВМРО-ДПМНЕ заврши во кома, оставајќи ја јавноста во шок.

Јавното обвинителство соопшти дека напаѓачот, 37-годишник, ќе одговара за тешка телесна повреда. На 2 октомври, на паркингот пред ресторан, по вербален конфликт, осомничениот најпрво го нападнал кандидатот со тупаници, а потоа продолжиле да се удираат со камења. Во еден момент, напаѓачот со камен го погодил Скопко во задниот дел од главата, што предизвикало скршеница на черепот и довело до состојба на кома.

По инцидентот, роднини и пријатели на повредениот се собраа на улиците на Виница, заканувајќи се со насилство доколку животот на кандидатот биде загрозен. Поради сериозноста на ситуацијата, градот беше под засилено полициско обезбедување.

Обвинителството побара 30-дневен притвор за осомничениот кој се соочува со кривична пријава за тешка телесна повреда.