Фото: Принтскрин
Францускиот премиер Себастијан Лекорну поднесе оставка, соопшти денеска Елисејската палата, пренесува агенцијата ДПА.
Лекорну ја доставил својата одлука до претседателот Емануел Макрон, кој ја прифатил оставката, се наведува во официјалното соопштение.
Оставката доаѓа помалку од еден месец по неговото именување. Иако само вчера беше објавена распределбата на клучните министерски ресори, лидерот на конзервативната партија „Републиканци“, Бруно Рејто, остро реагираше на составот на новиот кабинет и свика итен состанок за денеска.
Ваквиот развој на настаните поттикна шпекулации дека конзервативците би можеле да се повлечат од коалицијата со центристичкиот блок на Макрон, кој и онака не располага со стабилно парламентарно мнозинство.
