Фото: Принтскрин
Минималната плата во Македонија мора итно да се зголеми – порача претседателот на Сојузот на синдикати на Македонија (ССМ), Слободан Трендафилов, кој денеска учествуваше на дебатата „Текстилијада 9“ во Штип.
Трендафилов нагласи дека македонските работници се наоѓаат во крајно тешка позиција – вложуваат труд и за себе, и за компанијата, и за менаџерските структури, а за возврат примаат минимална плата од околу 400 евра, сума која, според него, не е доволна ни за покривање на основните трошоци за еден месец.
„Минималната, но и сите останати плати мора веднаш да се зголемат. Еден работник според последните податоци од Народната банка заработува на својот работодавач меѓу 300 и 600 илјади денари. Тој доаѓа на работа, работи за себе, ја заработува платата на директорот, на менаџерскиот тим, заработува за инвестиции, коли, викендици за работодавачот“, кажа Трендафилов.
