Фото: Принтскрин
Русија изминатата ноќ изведе нов бран воздушни напади врз Украина со ракети и дронови, при што загинаа најмалку пет лица, а сериозно е оштетена инфраструктура во повеќе региони, соопштија украинските власти.
Четворица од загинатите се во западната Лавовска област, која се граничи со Полска. Таму беше запален индустриски парк во главниот град на регионот, а делови од Лавов останаа без електрична енергија. Градоначалникот Андриј Садовиј апелираше до жителите да останат во своите домови, додека екипите се справуваат со повеќе пожари предизвикани од ударите. Според сведочења, експлозии се слушале уште во раните утрински часови, додека противвоздушната одбрана дејствувала од повеќе правци.
Претседателот на Украина, Володимир Зеленски, изјави дека руските сили испукале повеќе од 50 ракети и приближно 500 беспилотни летала.
„Русија повторно ја напаѓа нашата инфраструктура – сè она што овозможува нормален живот за украинските граѓани. Потребна ни е поголема заштита и побрза реализација на одбранбените договори, особено во областа на противвоздушната одбрана,“ истакна Зеленски.
Тој додаде дека „еднострано прекинување на огнот во небото“ би можело да отвори пат кон вистинска дипломатија. „Америка и Европа мора да дејствуваат за да го запрат Путин,“ порача украинскиот лидер.
🚨BREAKING: Lviv in western Ukraine has not seen such a brutal massive attack throughout the entire war, explosions continuously sounded in the city for 3 hours. Non stop impacts in the region; Leaving large fires raging across the city. pic.twitter.com/UvTurnFXlz
— World Source News (@Worldsource24) October 5, 2025
