Фото: Принтскрин
Најмалку триесет лица се повредени во руски напад со дрон врз железничката станица во градот Шостка, во Сумската област на Украина, соопшти украинскиот претседател Володимир Зеленски, пренесува Sky News.
Зеленски на социјалната мрежа Х објави дека нападот бил „дивјачки чин на агресија насочен кон цивилна инфраструктура“. Тој истакна дека сите итни служби веднаш излегле на терен за да им помогнат на повредените, а бројката на жртви и натаму се утврдува.
„До овој момент потврдено е дека најмалку триесет лица се повредени, меѓу кои имало и патници и вработени. Русија свесно гаѓа цивили – тоа е тероризам што светот нема право да го премолчи“, напиша украинскиот претседател.
Регионалниот гувернер Олег Григоров прецизираше дека бил погоден воз кој сообраќал кон Киев. На местото на несреќата работат медицински екипи и спасувачи, а Зеленски и Григоров објавија фотографии од местото на настанот на кои се гледа патнички вагон зафатен од оган.
A savage Russian drone strike on the railway station in Shostka, Sumy region. All emergency services are already on the scene and have begun helping people. All information about the injured is being established. So far, we know of at least 30 victims. Preliminary reports… pic.twitter.com/ZZoWfPmpL5
— Volodymyr Zelenskyy / Володимир Зеленський (@ZelenskyyUa) October 4, 2025
