Фото: Принтскрин
Руската армија денеска изведе серија воздушни и артилериски напади врз Харковската и Дњепропетровската област во Украина, при што животот го загуби една жена, а повеќе лица беа повредени.
Според информациите на украинската агенција Укрінформ, 57-годишна жителка загинала во напад врз селото Хусинка, во близина на Харков.
Во Дњепропетровската област ситуацијата била особено тешка. Како што изјави гувернерот Сергиј Лисак, регионот во текот на денот бил цел на околу дваесет напади. Најмногу бил погоден Никополскиот округ, каде што руските сили користеле тешка артилерија и дронови. Во тие напади е повредена 71-годишна жена, а дополнително е предизвикана значителна материјална штета врз станбени и инфраструктурни објекти.
Украинските власти соопштија дека спасувачките екипи се на терен и работат на отстранување на последиците од нападите.
