Фото: Принтскрин
Во сообраќајна несреќа што синоќа се случи во Младеновац, животот го загуби 43-годишниот Дарко Р. Несреќата се случила кога се судриле два автомобили и автобус, а трагедијата е уште поголема бидејќи Дарко брзал кон својот дом – неговата сопруга започнала со породување.
Според информациите, во несреќата учествувале автомобил „БМВ“, автобус на „Ласта“ кој сообраќа на линијата 491 и автомобил „Ситроен“. Дарко Р., кој управувал со „БМВ“-то, починал на пат кон болница, додека четири лица се здобиле со полесни повреди – возачите на останатите две возила, еден патник од автобусот и еден од „Ситроенот“. Повредените биле префрлени во Ургентниот центар.
Трагедијата предизвика шок и голема тага кај неговите блиски. Пријателите велат дека Дарко бил човек за кого можеле да се кажат само убави зборови. Зад себе оставил двегодишна ќеркичка и бремена сопруга.
„Вечерта излегол да позајми пари бидејќи очекуваше радосен момент – раѓањето на своето дете. Сопругата го повикала да му каже дека почнале породилните болки и тој побрзал дома. Сите сме во шок, беше човек за пример, секогаш спремен да помогне. Не беше некој што без причина притиска на гас – едноставно, ситуацијата го натера да се забрза. Тешко е да се прифати дека наместо радост, семејството го дочека ваква несреќа“, изјавил негов близок пријател.
